Her er Mikkel. Han er ein priviligert katt, som har 220 kvm å boltre seg på. Heilt aleine. Han kan ligge der på golv med vannbåren varme, myse ut gjennom trelags isolervindu og sjå etter nye byttedyr. For han har eiga kattedør må vite. Som reagerer på hans chip i nakken. Til og med kattedøra er hans aleine.
Og her har han budd i over 2 månader, utan oss. Sommaren har vore nokså rotete og i beste fall interessant. For å gjere ei lang historie kort – huset vart ikkje ferdig innan kontraktsfristen. Men sidan det berre var snakk om dagar flytta vi ut av den leigde leiligheten vi hadde, lempa alt vårt jordiske gods inn i huset som nesten var klart, og budde midlertidig hos venner. Og så skjedde det ting med den nylagde parketten – den bukta seg som bananskal. Noko var riktig galt. Det tok litt tid å finne ut kva, men tilslutt sto vi att med:
- Betonggolvet (i to etasjar) var ikkje tørt nok då parketten vart lagt – for svake byggtørkarar hadde blitt brukt. Det var mykje restfuktighet i betongen som ikkje var målbar i luft
- Vannbåren varme vart satt på etter at parketten var lagt. Den burde vore satt på forsiktig i nokre veker i forkant. All fukt blei pressa opp i parketten då varmen blei satt på
- Betonggolvet var ujamnt med fleire cm. Det var både dalar og fjelltoppar – ein heil liten geografi i begge etasjar
Merk det heller ironiske namnet på rettholten:
Resultatet av dette var eit golv som sleit med å finne bakkekontakt. Heldigvis har det ikkje vore nøling frå entepenør si side. Ansvaret låg på dei, og golvet måtte ordnast. I juli benytta vi oss av tomme feriehus rundt omkring og budde på legd. I august fekk vi ordna eit midlertidig krypinn som var møblert, og der er vi ennå. Her får vi blåst liv i gammalt handverk som Oppvask for Hand og Korleis lage Jevning utan Visp, men med Bakepensel. For ikkje å snakke om kjøleskaps-stuing. Vi slit frameleis i kunsten å lage god, variert, næringsrik middag ut frå to kokeplater (ingen steikomn). Det meste går med litt galgenhumor og tanken på at vi er på hyttetur. Ein 6 veker lang hyttetur.
Alle våre møbler og saker er stua godt og kompakt på flisegolva i huset. Nå når hausten er komen merkar vi behovet for litt varmare kle. Og sko. Dagens utfordring; finn ungane sine støvlar ein stad inne i den der haugen på bildet. Kanskje ligg dei underst, innerst?
I tida som har gått har entrepenør (og vi), måtte rykke tilbake til start, og følgjande har blitt gjort:
- Kjøkenøya med vask og platetopp er demontert
- Bygget har blitt tørka (så til dei grader)
- Alle golvlister og mange dørlister er fjerna (det meste kasta)
- All parkett er tatt av (halvparten måtte kastast)
- Trappa er demontert
- Alle golv er flytesparkla på nytt
Under: En gang i svundne tider var her en køgen-ø. Ventilatoren fungerer i dag som potensiell tannknuser. Merk elles ny-summa golv. Fint og beint!
Status nå er at ein er godt i gang med å legge parketten ned igjen. Det ser ut til at dette blir eit bra resultat. Trappa er tilbake også. Nå gjenstår parkett i hovedetasjen (ny), listing, montering av kjøkken og til sist utvask. Dette er jo ikkje gjort i ein fei, men vi har eit håp om at 14 dagar vil hjelpe.
Det er ikkje så rart at katten er ekstra kjælen for tida. Eg trur han ser fram til å få rombuddies.
Byggeblog 
hei Kjersti
så spennende å høre nytt fra din kant
og skal si dere har vært uheldig!! huffa da.
misunner dere ikke.
vet du -huset deres kommer til å bli «snyta lekkert»! 🙂
gled deg til alt som kommer
klem fra Åpent^hus
ps – hva heter taklampene dine på kjøkkenet, forresten?
Takk 🙂 Eg følger med hos deg også, men er elendig på komentar. Skal skjerpe meg. Lampane er veldig enkelte – dei er frå IKEA, og er veldig billige! Passar utmerket til ventilatoren syns vi 🙂
Den som ventar på noko godt, ventar ikkje forgjeves… Kjøkkenet ser jo superlekkert ut!
Håpar de snart får flytta inn! Godt de hadde vinterhagen til lagring. Eg kik opp mot huset kvar gong eg køyrer forbi og håpar at no, i dag, er det lys og de har endeleg fått flytta inn. Gjenstår det arbeid på kortveggen og sidan stillaset fortsatt står der?
PS! Den katteluka er super! Me har to kattar og ei slik luke og og det er veldig greitt å sleppa å få nabokattar inn.
No må dokke kome en dag å ete! Næringsrik og variert mat! 🙂
Ahh… Det ver var verre enn vår golvhistorier òg. Kryssar fingarene for at dagane går fort og kan avsløre at livet er godt på andre sida av pappkassene. Lukke til!
Artig å lese om andre som også bygger hus, selv om vi er helt i startfasen. Fint og spennende hus dere bygger! Lykke til videre 🙂
Heisann! Korleis går det med prosjektet? Nye golv bør jo vera på plass no. Håpar de er i ferd med å flytta inn, unnar dykk det etter den lange prosessen!
Utrulig så uheldige dykk har vore! Håper dykk er komne i hus no. Ser der heng ei Cilindro der øya skal være, den er kvit ikkje sant? Vi skal ha to slike men mot vegg, ikkje på øy. Kjøkenet er heilkvitt slik som ditt og veggen vert kanskje også kvit – og eg slit slik med å velge utførelse! I utgpunktet skulle vi ha stål men eg går no meir mot kvit. Og skulle GJeRNE hatt dei i ein knall farge, som oransje. Men veit ikkje om eg tør å ta den sjansen. Er du fornøgd med fargen din? Kvitt på kvitt på kvitt er flott det! Og er du fornøgd med dei pussa veggane?
Torunn: Me er svært nøgde med Cilindro! Kraftig sak som greier å suge opp det som skal sugast opp. Det er jo veldig fint med to da, og då slepp du glasplata som vi har montert på 🙂 Eg var redd for at kjøkenet skulle bli altfor kvitt, men det hjalp veldig med ein vegg med annan farge. Det er også veldig fint å ha mørkare underskap – det kan de jo vurdere? Og ja, dei pussa veggene er me svært fornøgd med 🙂
Glasplate freistar ikkje for ei husmorsjuske, treng minst mogleg av slike plasser 😉 Eg tenkjer at kjøkenet treng å få ein kontrast, så dersom det går an så vurderer vi å pusse kjøkkenveggen og legge på glasplate ned med benken. Vi skal ha berre underskap/skuffer på ein heil vegg, og så blir der ein høgskap-vegg. Alt i kvitt 🙂