Isolasjon, ventilasjon, betong, mur, plater og puss

Eg har mykje anna å finne på enn å skrive innlegg på bloggen, derfor går det litt tid mellom kvar gong. Så har eg desto meir å fortelje, for no har det skjedd mykje sidan sist. Først kom betongen, og no er vassrøyra forsegla for lang, lang tid framover. Så kom isolasjonen til taket, og den er blitt lagt på plass. Samtidig med at vi fekk skipa til eit aldri så lite kranselag, så kom ventilasjonen og gipsplatene. Veldig praktisk at det da var masse folk i huset (murar, tømrerar, elektrikerar og rørleggerar), og dei blei satt i sving til å bere alt inn i eit forrykande uver førre veke. Dei blei belønna med wraps, muffis og kaffe, og verka glade for det. Vi er i alle fall veldig, veldig glade for den gode innsatsen alle har gjort så langt!

Bildet viser stova oppe – betonggolvet er ferdig, trappeholet ser  ut som eit rundt trappehol skal sjå ut, og isolasjonen til taket ligg klar.

Etter at isolasjonen var komme på plass har dei lagt opp plast (for å stoppe varm, fuktig luft å trenge inn i isolasjonen)(alt man lærer når ein bygger hus altså), og har så begynt å lekte ned. Medan dette har pågått har ventilasjonsanlegget blitt drøfta og planlagt. Utkast og innkast i det DIGRE skapet var sjølvsagt ikkje ideelt plassert. Dei to kanalane må krysse kvarandre nede i teknisk rom – men det skal vere plass til dette uansett.

Her er ein liten del av ventilasjonsanlegget – litt absurd at vi skal gje plass til alt dette spetakkelet inne i veggane.

Muren ute er blitt heilt ferdig. Det skal støypast ein betongkant i flukt med dragaren midt i bildet.

Muren er vår største budsjettsprekk – men vi valgte den med vitande vilje. Eg syns den fungerer godt mot huset – eg likar fargen og strukturen. Den vil bli litt dempa når det veks opp noko grønt nedafor, og vil også gjere mindre av seg når verandaen blir forlenga over muren og det kjem opp rekkverk i glas. Men elles er eg glad for at mykje av muren er godt synleg, for eg syns den er blitt veldig fin!. Og det skal bli godt når glasa i vinterhagen kjem på  plass rundt den 26.

Her er litt meir av fasaden mot vest. Eg trur vi får ein fin uteplass her framfor soverom og TV-stove

Parkett er bestilt og vil komme til tomta den 7. mai. Når det gjeld kjøkken og kvitevarer har vi bestemt oss. Det blir IKEA på alle benkeskap og overskap, Norema på dei fire høgskapa, kvitevarer frå Danmark  til  ein brøkdel av prisen, og benkeplate i kvit kompositt frå Diapol. Og etter alle dei grå og fargelause bilda så langt i innlegget må eg vise fram to tapetprøvar frå Missprint. Og nei, eg tenker ikkje på heile rom dette her, men ein aldri så liten småvegg kanskje?

Sist men ikkje minst har vi to vaksne i familien satt oss ned nokre timar og bladd gjennom alt av papir og betalingar som er gjort for å finne ut kor vi ligg i det økonomiske landskapet. Det måtte gjerast, for no er vi komne inn i den berykta fasen der alt plutselig blir dyrare. Og dei problem og ekstra ting som dukkar opp nå i innspurten må vi betale oss ut av, for vi er to vaksne i full jobb (+litt meir) som ikkje har sjangs å slå i ein spiker ein gong.  Men vi er innafor budsjettet, dvs dersom ein reknar med dei 10% som var satt av til budsjettsprekk. Eit raskt overslag over det vi har betalt og det vi forventar å betale viser at huset truleg vil havne ein stad mellom 20 000 og 21 000 per kvm, og det syns vi er bra. Det inkluderer natursteinsmuren, kjøkkeninnreiing med gode kvitevarer, energibrønn, vv-varme, parkett og flis.

Heldigvis har eg gratis interiørkonsulentar. Her er dei i sving med å finne ut kva farge vi skal ha inne.

Aller siste nytt: I dag var murar i sving med murpuss ute! Fargen ser veldig bra ut, passar veldig godt til platene og beslaga!

Trapp og parkett

Eg har tidlegare sagt at vi har valgt å putte pengane i vindu i dette huset. Der er eit unntak – trappa.  Trappa er trass i alt ein ting vi ikkje reknar med å skifte ut nokon gong, og må sjå bra ut sidan ho skal gå frå stove til stove. Men det å skulle ha vindeltrapp er ikkje plankekjøring. Ikkje alle trappeprodusentar tilbyr slike trapper. Og ein del av dei som gjer det, har vindeltrapper som ikkje ser bra ut. Dei ser ut som nødløsningar som er valgt fordi det rett og slett ikkje var plass til ei skikkelig trapp. Vi har plass til ei trapp med diameter på ca. 2 meter. Den bør kunne bli både skulpurell og god å gå i. Eg hadde i det lengste håpa på å få produsert trappa lokalt, men Frekhaug trapp kunne dessverre ikkje tilby dette. Derimot kunne dei sende oss vidare til Bjørns trevarefabrikk i Larvik som kan lage slikt, og her har vi hatt ein veldig fin og postiv kontakt så langt. Heile trappa skal vere i ask, både trinn, klossar, håndløpar og denne stolpen i midten som har eit namn eg ikkje kan hugse i farten. Trinna skal vere kvitmattlakka. Når det gjeld spiler veit eg faktisk ikkje heilt kva vi velger, men for sjølve holet oppet trur eg det blir heilglasrekkverk som er bolta fast i dekkekanten. Holet ned til undertasjen er faktisk firkanta, ikkje rundt, sjølv om vi skal ha vindeltrapp. Eg er litt spent på om det samlar seg rusk og rask i ei eventuell mikroskopisk glipe mellom glaset og dekkekanten. Og korleis blir det å halde glaset reint? Vi har ungar som er over «kladdealderen», så da kan det kanskje gå?

Døme på bruk av heilglasrekkverk hos Bodø Glass og Ramme.

Og her ser ein korleis slikt glas blir festa. Bildet er lånt frå Glassmester Christoffersen.

Når det gjeld parkett held vi frameleis ein knapp på einstavs kvitmattlakka ask. Her er eit knippe kvitmattlakka parkettar i ask på nett. At det blir einstavsparkett er vi heilt sikre på, men kva merke og tresort er meir usikkert.

Variasjonen er altså ganske stor – og eg trur mykje skuldast korleis bilde blir vist på ein skjerm. Vi ønsker noko som er om lag som parketten oppe til høgre. Litt varme må vi ha. Parkett er også ein stor utgiftspost i budsjettet, men her prøver vi verkeleg å knipe ned kostnadene. Vurderer å kjøpe i England og få sendt det hit – her er det pengar å spare. I så tilfelle blir det Kährs-parkett, og det skal vere av god kvalitet.

Epoxy?

Nyleg kom eg heim til eit nytt bad. Nytt i den forstand at min mann hadde vaska det, grundig. Det hadde tatt 5 timar, og alle vegger, alle fuger var gjort reine. Dette er altså eit bad som har fliser over det heile. Han var stolt av sin eigen innsats, men klar på at fliser skulle vi IKKJE ha i vårt hus. Tanken har heller ikkje vore framand for meg heller. Men spørsmålet er kva ein då skal ha på badegolva. Vinyl? Eller det meir trendy Epoxy? (sjølv om vinyl nå har fått ein ny renessanse).

Bilde frå BASF

Mi erfaring med flislagte bad er ikkje lang, trass i mine 40 år på denne jord. Eg trur eg må ha vore ca. 26 når eg opplevde flisegolv for første gang – i min 4. leigde leilighet. Det føltes som skikkelig luksøriøst, men frelst blei eg visst ikkje heilt. Etter det fulgte ein periode med golvbelegg, før eg på nytt, for 10 år sidan, flytta inn i leilighet med skikkelig retrobad. Der var det irrgrøne minatyrfliser på badegolvet (og marmor look-alike baderomsplater). Flisene ga meg neller – fugene var møkkete og blei aldri reine. Etter dette flytta vi til nok ein leilighet med fliser – meir moderne denne gongen. Her var det lys grå fuger – ei stund. Etter kvart blei det svært synlig kor vi trødde når vi gjekk inn på badet. Eitpar gonger gjekk eg over med reingjeringsmiddel og tannbørste, men eg fann ikkje slik aktivitet spesielt givande. Det seiest forresten at å gjere reint fliser er så lett. Det kan det nok vere, men eg syns at ved våtreingjering er det lett for at rusk og rask legg seg ned i fugene og forblir der. Det unngår ein med dette:

Bilde klipt frå Flowcrete sin brosjyre

Når alt dette er sagt – eg syns fliser er kjempefint. Særlig når det er lyst og lekker, glossy og gjennomtenkt. Veldig fint. Men etter mitt syn – upraktisk. Eg har tidlegare vurdert epoxy. Eg har til og med vore så framsynt at eg har henta inn pris på det. Det skal koste 850 kr. per kvm (i fjor), arbeid inkludert (fått pris hos betonggulv.no). Det er sjølvsagt ein del pengar, men det kostar å ha nokon inne til å legge flis også (som tar tid å legge). Men det første spørsmålet er vel om vi har lyst på epoxy. Ein aldri så liten konsekvensanalyse må til (i alle fall ei for- og mot-liste).

Cons:

• sjølv om det er vasstett, tel det ikkje som membran, og er ikkje godkjent i våtromsnormen. Så kan ein spørre seg kven som bestemmer slikt, om epoxy i det heile tatt er vurdert opp mot våtromsnormen, og kva følger det eventuelt kan få i ei forsikringssak. Vil dei som legg epoxy på badegolvet ta ansvar for at badet er sikkert, f.eks? Som backup er det kanskje mulig å legge membran i støypen (kan ikkje ligge rett under epoxy, men om dette går an må eg finne ut av).
• eg er egentlig ingen minimalist. I det heile tatt. Og epoxy blir presentert som veldig trendy, sprekt og fresh – der er eg ikkje. Eg er tradisjonalist i retning retro. Litt på sidelinja kanskje?
• skal visstnok vere slippery when wet, men der finst epoxy som er betre egna, litt ru under føttene. Elles ser eg for meg lårhalsbrot i dusjen om knappe 20 år.
• får visst riper lett (som ein reparerer med nytt lag lakk).
• blir man lei? Blir det «Oh so 2010» om 10 år? (ja, eg lar meg også påverke av trendar)
• opplever ein det som kaldt, hardt, industrielt, sjukehus – og alt slikt som eg egentlig ikkje likar?

Pro:

• nydelig! Blankt og shiny. Eg likar alt som glimrar og blenkjer. Skikkelig skjor
• er slitesterkt, hardt, tåler vatn
• er perfekt i eit hus som vårt – av mur, og dermed dønn stabilt og unngår sprekker
• lett å svosje over med fuktig mopp (ingen dumme fuger som håret legg seg i)
• kan få det i fiiine fargar (er jo glad i farge)

Bilde frå http://www.blankegulv.no

Min mann er heilt med på tanken. Han er praktiker først og fremst, og så likar han at ting er ryddig, reint, organisert og fornuftig (han kjeftar mykje på oss andre i familien). Eg veit at parkett vil bli viktig for oss, for med høgt under taket og kvite vegger må vi ha inn varme og naturmateriale. Men på bada kan sikkert epoxy bli fint, og nå har vi begynt å vurdere det i matlagingssonen på kjøkenet også, altså mellom benkeskapa, og framfor kjøleskap, frys og ovn. Da må vi ha ein overgang til parketten i stova og sonen i kjøkenet med spisebord, kanskje med ein smal gummi/silikonfuge?

Epoxy på grovkjøkken, i hall/gang oppe er også vurdert, og kva med vinterhagen i same slengen? Om det skal vere kvitt er eg høgst usikker på, i alle fall i vinterhagen som vil vere svært lys, og ei stor, blank, kvit flate vil bli rimelig blendande. Hm… nei, held vel ein knapp på å legge flis her. Kunne det vore fint med ein skikkelig knæsj farge mellom kjøkkenbenkane kanskje? Etter nokre år er ein kanskje lei av glossy orange?

Men det må da vere fint i ein gang?

Klipt frå Flowcrete sin brosjyre

Så vi funderer vidare vi. Er godt vi driv husbygging i slow motion altså. Siste nye er at drensrøyr, avløpsrøyr og slikt er lagt, og det er planert over. Den kjekke plastringen, som eg var litt bekymra over høgden på, er dekka til med jord og blitt så fin atte. Litt for stram og rett, så det spørs om eg på sikt må inn med spaden min og lurve den litt til.