Det er ikkje lett å innreie eit hus som berre finst mentalt. Slik har det vore nokre år no, men no når det nærmar seg at vi har eit materielt hus ein kan gå inn i, har vi begynt å skaffe ein del av dei tinga som skal inn i dette huset. Vi kjem til å bruke det vi har frå før, og noko som eg finn på loftet heime der eg voks opp. Men noko nytt vil det vere trong for.
I vinter hadde Bolia sett ned prisen på sovesofaen som vi visste vi ville ha til gjesterommet / kontoret i hovedetasjen. Den blei bestilt og kom for ei veke sidan. Det er trist å ikkje opne den store pakken, men eg stoler nå på at den er fin… Slik skal den vere; Scandinavia sovesofa i Mind stoff lys grå. Einaste forskjellen til vår er at vi valgte bein i eik.
Elles har eg tidlegare fortald at lampen Random Light er bestilt. Den er nå kommen, og står i ei diger øskje i stova vi leiger. Vi kjøpte LED- versjonen, og satsar på lite lyspæreskift i åra som kjem.
Og så ventar vi på kvitevarene frå Danmark. Vi hadde to val – enten å kjøpe billige kvitevarer (bruke pengar på noko anna i staden), eller å «fleske til» og skaffe oss det vi eigentleg ville ha no med ein gong. Med gode prisar frå Danmark, så valgte vi å fleske. Platetoppen er t.d. meir enn ein halv gang dyrare i Norge.
Her er det vi ventar på (bilde frå Siemens)
Kombiskap
Ovn
Kombiovn (vanlig ovn kombinert med damp)
Som vi kjøper hos Norema, for denne greide ikkje danskane skaffe i svart. Ovnen kjem i ny modell i mai, og eg finn ikkje bilde på nett, men får stole på at den passar saman med vanlig ovn. (og treng ein to ovnar spør du?). Nei gjer ein det? Eg har ønska meg to ovnar i lang tid, for eg er lei av å sjonglere med ulike rettar som skal steikast samtidig. Og så gler eg meg til damping av fisk og grønsaker.
Av andre ting som er i boks er Cilindro ventilator frå Rørosmetall (via Norema) og Rais Viva peisomn via Varmefag. Elles: kjøken i Abstrakt kvit høgglans frå Ikea, og fire høgskap frå Norema. Desse kjøper vi i kvit mdf, og får dei lakkert hos Bergen Billakkering. Grønt er skjønt!
Elles skal vi bruke det vi har frå før: nokre skeive, heimesnekra barnesenger, vår smale rammemadrass frå IKEA, ein nedsleten, nuppete sofa, eit utslete kaffebord (som er reparert med metallplater), eit umoderne kjøkenbord med stolar og eit direkte stygt tv-møbel. Bokhyllene i bøk må vi også leve med ei stund. Sånn går det når ein absolutt skal ha platetoppen ein absolutt skal ha.
Byggeblog 
Eg har heilt gløymt å spørre Espen om dokke kan sette kvitevarene her ein stad. Er det framleis aktuelt?
Misunneleg på to steikeovnar, det hadde eg og gjort om eg hadde bygd nytt kjøkken idag. Og platetoppen var perfekt, ønskar meg!
Utruleg at det nærmar seg slutten…
Vi skal sjå kva vi kan få stabla inn gjesterommet hos oss – Trur det skal kunne gå litt inn her, vi får sjå! Så har vi dykk som backup! 🙂 Tusen takk!
No sit eg her i den sofaen som sto meir enn 4 mnd innpakka i garasjen. Eg kjenner att fasane, tenkjer tilbake og må berre seie at det er berre å gle seg til sofaen er pakka opp. Fordi eg har levd i dette huset i tankane ei stund tok det kort tid å bu seg inn, men framleis vert eg overraska over at tine er slik vi vil ha det og slik vi har planlagt. Hold ut!
Vi òg fleska litt il på kvitevarene, og angrar ikkje…men dei pipe mykje alle saman, og vi har ikkje funne ut korleis vi skrur av alle lydane.
Kjekt å høyre – det lovar godt 🙂
Hei der, og takk for ein fin blogg no når vi er i same prosess sjølve, om ein berre heilt i startfasen endå. Kan eg spørre kvar du har kjøpt kvitevarene i Danmark og parketten i England?
Hei! Eg fann nettsidene via http://www.byggebolig.no – der inne er det mykje nyttig stoff for den som bygger hus.
Eg handla golv hos http://www.1926woodflooring.co.uk/ og kvitevarer hos http://www.123hvidevarer.dk
Det kan vere litt skummelt så sende frå seg så mykje pengar på førehand, men for desse to butikkane har mange hatt berre positive erfaringar – noko som framgår av byggebolig-forumet. Det gjer at eg føler risikoen er mindre. Særleg med golvet – her er det svært, svært mange som har handla, og ingen har hatt vasnskar eller problem.
Ingen av varene er komne enda – vi har bedt om at dei ikkje blir sendt før i april.
Tusen takk 🙂 Då skal vi sjekke ut desse sidene. Er van med å handle i utlandet på alt anna, så vi kan fint gjere det på større ting også når ein veit at andre har hatt positive opplevingar der. Vi er innom byggebolig.no og sjekker når det er noko vi lurer på.
Vi vil kanskje handle benkeplate i Danmark også, vi får så lang benk (nesten 7m) og vil gjerne dele den opp i stål/kompaktlaminat. Du hadde også handla benkeplate der?
Me kjøper nok benkeplate hos http://www.diapol.no – dei har SVÆRT gode prisar på kompositt, og har veldig godt rykte på seg. Trur vi kjøper vask hos dei også. Dei monterer både benkeplata og vasken – det er inkludert i prisen. Ja, og frakten også 🙂 Så sjekk ut dei, men du kan heilt sikkert få gode tilbud i Danmark for dette også.
Me kjøper nok benkeplate hos http://www.diapol.no – dei har SVÆRT gode prisar på kompositt, og har veldig godt rykte på seg. Trur vi kjøper vask hos dei også. Dei monterer både benkeplata og vasken – det er inkludert i prisen. Ja, og frakten også 🙂 Så sjekk ut dei, men du kan heilt sikkert få gode tilbud i Danmark for dette også.